تعرضت لتحرش جنسي مقرف

القصة وما فيها انو بشهر 11 السنة الماضية، تحديدا 14/11 ، و 21/11 تعرضت لتحرش جنسي مقرف، بدوامي بمستشفى ، أنا من. ضمن تسيفت الممرضين، كان شيفت ليلي، وكنت الي قريب الشهر بتعرض لمضايقات من نفس التسيفت/ جماعة مساعدين الممرضين يعني

كانوا يزتو حكي كتير وينادوا عليي ويقعدو يتهبلو ويعاكسو

القصة اني بوقتها كنت بحالة اكتئاب حاد، والي اثر عليي واثر ع تعليمي وتصرفاتي وردات فعلي بشكل كتير كبير، بطلت اقدر احكي وعقلي بكونش معي كتير مرات ، وبلزم شغلي استعمل لغة مش عربي ف وقتها بطلت اعرف احكي حتى

وقتها من بعد باسبوع تركت الشغل وبعد باسبوعين تركت تعليمي بشكل نهائي- كنت ناوية من قبل اترك التعليم بس هاد الاشي الي قسم ظهري حرفيا

أنا هلأ احسن الحمد لله، بس وقتها رحت من هبلي دخلت بتراومات كتيرة كل ماتزكر ، ولهلأ بس اخف

مشكلتي اني لهلأ متأثرة، و كل ماتزكر الحادثة بتزكرها بشكل تاني، وبتخيلها كتير غير ، او اني بتزكر اشياء فعلا صارت بس كنت ناسيتها

بديش اضل اتزكرها، أنا بلشت حياة جديدة وتعليم جديد وغيرت نفسيتي ، بس بديش اضل احبس حالي بالقصة هاي وعايشة دور الضعيفة والضحية مش عارفة شو اسوي بالزبط وفكرت ادخل علاج نفسي بس كتير غالي ، ازا بدي.. لازم اعاود اشتغل وفش قدامي الا هاد المستشفى اشتغل فيه - هاد الشغل بس بهاد المستشفى ، الطلاب العرب

في كمان شغلة ، بسبب هاي الحادثة وحادثتين مشابهات الها من ونا صغيرةة، وكم شغلة كتير حاسة حالي بقرف من جنس ادم، وكتير حاسة حالي عقلي عم ياخخد شمال وبدال مايكون انجذابي لشبااب عم بنجذب لبنات .. مع اني والله ما سويت ولا اشي ولا حكيت لحد بس نفسي اكون طبيعية وما اضل عالقة هوني، واكون بنت عادية

صراحة لهلأ بقدرش اتواصل منيح ولا بقدر اتطلع بعيون الناس ونا بحكي معهم ، كتير تغيرت ونفسي اكون طبيعية، بحكيش مع حد وفعليا منطوية ع حالي حتى مع البيئة الجديدة والتعليم الجديد

اللغة التانية لازم اعاود اشد ع حالي اكتر بس والله يعني كانلي قريب 5 سنين متعلمتها وبلبلة فيها، هلأ ولا اشي

بحس كل شي مرتبط ببعض، لهلأ بحس بتجيني نوبات اكتئاب/ انكزيتي/ هلع .. يوم بعد يوم بس الحمد لله كتير اهون من قبل

بدي هلأ اهم اشي ،اسفة اني طولت عليكم، بدي بس تدعولي، ترشدوني شو أعمل بالحالات الي ذكرتها فوق : وضعي النفسي/ حادثة التحرش/ ميولي / وضع الاتزان النفسي / اللغة / الثقة بالنفس

بعرف مش دكاترة ولا خبراء نفسيين، بس والله يمكن كلمة من حد منكم تصلح اشي