شاب: كيف أقنع أهلها أنني أحبها ؟ ساعدوني

سوا فلسطين - وكالات - السلام عليكم ورحمة الله وبركاته، انا بحب بنت من نفس بلدي الي ما يقارب 5 سنين طبعاً انا بحبها وهي بتحبني يعني بنحب بعض اكتر ما بتتصوروا.

المشكلة انو البنت مرقت بظروف صعبه واهلها اجبروا على الخطوبة غصبن عنها لابن عمها وهي لا بتحب ابن عمها ولا بطيقوا صار الها فترة خاطبة لا بتحاكي ابن عمها ولا بتقعد معو متل الخاطبين يعني ما بدها اياه بالمرة، والظروف اتعقدت بالمرة وما بمر يوم الا بصير بينهم مشكلة ومع اهلها مشكلة كلها معقدة من كل الاتجاهات، مشاكل بمشاكل وقلوبنا متعلقة ببعض وما بتحكي مع غيري دايما بنحكي مع بعض وبنحب بعض بس للاسف اهلها مش مقدرين هذا الاشي بالمرة، ولا قادرين يفهموا شو ضرر الزواج الغصب وشو راح يصير لقدام وانا بترجاكم تعطوني حل اي اشي لاقدر اخلي البنت تكون لالي بدي اياها وبحبها وما بدي حبنا يروح عبث، بترجاكم وباسرع وقت ممكن.