لن يتزوجني وخانني ولكنني لا استطيع الابتعاد عنه !!

سوا فلسطين - وكالات - اليكم قصتي: بالاول محبيتوش .. ااه هو كان يحبني بس مكنتش احس انو اكثر من صديق .. حبيتو بعدين ، كتير حبيتو .. اهتمامي لكبير وغيرتي خللو يتعلق فيي اكثر ..

قصة حبنا كانت خياليه ، لحد ما .. اجت هديك ! هديك اللي كانت حبيبة صاحبو وبس تركها صاحبو صارت تلجأ لحبيبي اناا وتلعب بعقلو .. بطبيعة علاقتنا فيها حدود وما منتمادى ، وهديك البنت كان عندها تخطي لكثير حدود (النوع اللي بحبو الشباب) غدرت تخللي يخونني ..

بدوري تركتوو وظلت روحي معلقه فيه.. وقطعت كل الطرق لحتى ما يوصلني .. بعد فترة 4 اشهر غلبني شوقي ورنيتلو .. وشوي شوي رجعنا زي اول .. بالاول متقبلتش فكرة انو نرجع بس شدني الو وغصب عني رجعت وحبنا زاد وزاد .. بس اللي بيصدم انو ماخد قرار بدوش يتجوز ! وبنفس لوقت بدوش ياني اروح لحدا ثاني ..

بعد ما رجعنا تغير كثير ، التزم بالصلاة وقراءة القرآن والحمدلله انا كمان بصللي ، اذا اخرت صلاة بيعاتبني وبيزعل مني !

كلشي بصير معاه بحكيلي ، وبيغار كثيير ..

حاولت اتركو ، قعدنا فترة كم يوم منحكيش رجع بعدها وقللي بغدرش ماحكيش معك !

كل ما اسألو عن السبب انو بدوش يتجوز بيتهرب وبغير الموضوع ..

كرامتي بتسمحش اظل مع شخص مش راسم نهاية محددة للعلاقه ، وبنفس لوقت بحبوو كثيير لدرجة انو فيي اكمل حياتي دون علاقات ولا انو احكي مع حدا غيرو !

وقفت حدو كثيير وصبرتو عكل مشاكلو واعطيتو القوة ودعمتوو .. حب 3 سنين .. كيف ممكن انسا بعد كل هاد؟

الوجع اعمق بكثيير مما بينوصف !

شو لازم أعمل ؟ حاولت كثير اعرف السبب ، فش نتيجه !