فتاة: أحب خطيبي ولا أرغب في معصيته!! انصحوني

سوا فلسطين - وكالات - انا عندي مشكلة وحابة الكل يساعدني، انا فتاه ابلغ من العمر 20 سنة من الشمال ومخطوبة من،

حوالي 3 سنين وخطبنا بعد حب دام 4 سنين وهو كان معي عند كلمته وبصراحة ولا مرة نقص معي في اي شيء بالدنيا وبخاف علي وبغار، بس في مشكلي وجهتنا في الفترة الاخيرة وهي الشغل، قبل الخطوبة اتفقنا انه مش راح اشتغل الا بعد ما اتعلم واشتغل في شهادتي ولكن في هذه الفترة انا محتاجة للشغل، مش من ناحية المصاري، حابة اشتغل واعتمد على حالي، بس خطيبي مصمم انه فش شغل بدون شهادة، والمشكله انا ما بدأت تعليم بسبب الوضع المادي بالبيت، بس ان شاء الله راح ابدأ السنة الجاي، وما بدي اضيع سنين من عمري بالدار وطلوع مشوير، مع انه خطيبي مش محرمني من اي شيء وبنفس الوقت انا ما بحب اطلب منه وقت ما اكون محتاجة، حاولت في كل الطرق اقنعه، بس هو مش اموفق وكل ما تكون لي فرصة اشتغل واشوف محل، بلاقي فيه عيب وبنفس الوقت الشغل ضروري لانه عرسنا السنة الجاي في الشهر الرابع وبدي اساعد اهلي في اجهز وبصراحة كثير متحيرة، اسفة على الاطالة، بس كثير مضغوطة، بحب خطيبي وبديش ازعله، بنفس الوقت بدي اشتغل، بتمنى من الكل يساعدني، شو اعمل في هذه الحالة؟!، وشكرا للجميع.